大家响今日或聽日應該會收到以郵寄方式發出o既賽員通知書。收唔到o既亦都唔駛緊張，只要去到OC2009網頁（www.orienteering.msf.org.hk）或者click 入下面條link就可以下載到：
賽員通知書詳細列明咗交通參考資料、賽事中心所在及注意事項、賽區及地圖資料、出發程序、終點程序、計分方法、比賽規則等等，賽員記住、記住、記住要細心閱讀！
收唔到賽員通知書ｏ既朋友，只要响比賽當日，去到電子控制咭及號碼布換領處，講番自己ｏ既隊伍編號（Team code），就完全無問題ｏ架嘞！
噚日OC四位攪手閉門商量咗好耐，終於選出咗OC經典照大募集ｏ既得獎者！
大獎得主係HF HO：
呢張相雖然好簡單，但積分紙代表著參賽者辛勤一日ｏ既成果！OC呢個活動係時間與智力ｏ既競賽，就好似無國界醫生ｏ既救援工作一樣！
二獎得主分別係Johnny 同 LamM：
Johnny幅相出色在相入面ｏ既小朋友超級可愛。雖然只係睇到大人隻手，但感受到佢好努力咁教小朋友拍咭，好溫馨！亦由此可見OC係一個老少咸宜ｏ既活動！
LamMｏ既作品好有動感，相中人不懼艱辛、不怕大霧咁跑入叢林，完全帶出MSF 志願人員攀出涉水助人ｏ既情懷！
恭喜晒HF HO、Johnny同LamM！我哋會有同事通知你哋得獎ｏ既安排ｏ架！
筆者”好多謝風中飛沙、DKMY同飛簷走壁o既賽員响上一篇文章o既熱烈回應，其實野外定向訓練當日唔止施sir一個盡心盡力教賽員玩OC，其他o既義工教練都教得好好o架!
當日模擬賽第一組返到終點o既係Space Girl組ｏ既四位賽員。佢哋玩完模擬賽就即刻衝去郊野公園小食亭買冰菠蘿食，直至到影相都唔係好肯放低！不過比賽當日我哋為大家準備咗香蕉同熱辣辣雞蛋，可以即刻補充體力！
左起：Space Girl 組ｏ既Shirley, Esther, Annie同阿茶。佢哋參加OCｏ既原因好簡單──上年有朋友玩過，覺得好好玩，响朋友推介下就組咗隊參加嘞！
(閱讀全文)
