上年我哋o係OC之後，都有收到唔少參賽者打電話或者send email分享佢哋o既感受。為咗令到你哋更有興趣同埋動力去參加OC以及爭取更好o既成績，等我就分享一下一D上年佢哋一D感覺啦~！

最多人有深刻印象既我估計係我哋o既熱辣辣愛心雞蛋啦！o係甘寒冷o既天氣之下可以食到熱辣辣既雞蛋，果種窩心的感覺真係零舍唔同！下面呢張相上面既小朋友，拿住雞蛋，好似對住鏡頭話：哈哈~我要個雞蛋，好過要暖蛋！！

  雖然呢這相已經出過，但係真係好相不妨一睇再睇！小朋友手拿住既暖蛋…呀~應該係雞蛋…好暖啊！

再留意一下呢個小朋友既背後，原來有一個牌坊，上面寫住…咦，好大霧，好矇！呢個其實就係寳蓮禪寺外面既牌坊，點解會甘矇矓既…?上年其中一個好特別既感受，就係參賽者要係大霧中比賽！好多參賽者同我分享翻，都話好好玩，好刺激！唔知道今年會不會甘特別呢？！

  上面呢張相應該清楚D啦~寳蓮禪寺！真係唔相信香港都有地方會甘大霧！

其實我哋OC搞可以甘成功，除左有我哋一班工作人員之外，仲有一D背後既幕後功臣！無錯，就係你地參加者啦！好狗嘆會舍一直都係我哋無國界醫生既忠實支持者，今年好高興佢哋都可以同大家分享一下以往參加OC既點點滴滴。原來每年佢哋都有一D好有趣既事情分享，其中有D更加係好驚險添！我地都希望你地可以同我地分享你地既開心野架~除左得閑既多D入去支持下佢哋，不如你地同大家分享下你哋既經歷啦！！

最後，嘿嘿，我要同大家介紹一下我地一個幕後功臣----野外定向總會同埋佢哋一位幹事：孔先生！無左佢哋，我地個OC好有可能會好’蝦碌’!等我趁住呢個機會同佢哋各位講句Thank you la!

  孔先生果然係與衆不同!

今日同大家分享住甘多先，仲有幾日就截止啦，大家記得快D報名啦！