今日係boxing day，無國界醫生仝人想响呢度同大家分享一份禮物。 

話說我地多年前曾經邀請理工大學o既同學精心製作一段介紹無國界醫生野外定向ｏ既短片，但因為可以播放o既地點唔多（當年無YouTube、無戶外大電視、無巴士電視等播放渠道），所以呢段精彩ｏ既短片播過幾次之後就慘被埋藏响一個不見天日的角落。

事隔多年，我地ｏ既同事早幾日竟然响誤打誤撞之下搵番呢隻光碟，雖然久經塵封，但播放出來的效果依然清晰無比，內容之詳盡更加係驚為天人，包括衣服配件、比賽程序、地圖標示解說、指南針運用、求救指引等等，於是我地決定將呢條片再次公諸於世！ 

呢一份，就當係無國界醫生送俾各位OC支持者ｏ既聖誕禮物喇！