野外定向訓練集合點──香港仔郊野公園一號燒烤場塞滿咗賽員同教練，18號當日有成二千人响梅窩市鎮廣場聚集，一定好墟冚！
我噚日就親身追擊咗八位女賽員ｏ既訓練情況！佢地係來自「風中飛沙」、「DKMY」同「飛簷走壁」組ｏ既。至於教練，就係人稱「獅子」ｏ既施sir。
訓練開始時，施sir先教大家點樣運用指南針同睇地圖，之後就帶賽員通山走，等佢地了解一下地圖上不同的標誌係咩意思。
施sir講咗啲咩令到八位賽員笑得咁開心呢？唔通係OC必勝法？
噚日天氣微涼，陽光唔太猛，好啱玩戶外活動，希望18號都會一樣！
訓練之後，就係模擬比賽ｏ既時間！八位賽員收到地圖之後，就即刻研究路線，指手劃腳。咦！經過一輪訓練，好似胸有成竹咁喎！
模擬賽開始！喂！八位賽員，等埋我呀！
八位賽員不怕艱辛，互相扶持之下輕易跨過欄杆，快速竄入叢林之中，有欠矯捷o既我亦都响呢度同佢地失去聯絡！
八位賽員趕及响限時之內跑回終點，雖然身水身汗，但係就猛話好玩，仲話下年要叫多啲朋友參加添！
！
