筆者”好多謝風中飛沙、DKMY同飛簷走壁o既賽員响上一篇文章o既熱烈回應，其實野外定向訓練當日唔止施sir一個盡心盡力教賽員玩OC，其他o既義工教練都教得好好o架!
當日模擬賽第一組返到終點o既係Space Girl組ｏ既四位賽員。佢哋玩完模擬賽就即刻衝去郊野公園小食亭買冰菠蘿食，直至到影相都唔係好肯放低！不過比賽當日我哋為大家準備咗香蕉同熱辣辣雞蛋，可以即刻補充體力！
左起：Space Girl 組ｏ既Shirley, Esther, Annie同阿茶。佢哋參加OCｏ既原因好簡單──上年有朋友玩過，覺得好好玩，响朋友推介下就組咗隊參加嘞！
佢哋四個都係第一次玩OCｏ既。呢次訓練令佢哋感受到咩係野外定向，佢話野外定向唔係得個跑字，要睇地圖、plan路線，好多嘢要參與其中，係一個好豐富ｏ既活動。佢亦都俾咗一個忠告俾首次玩OCｏ既朋友，就係：「早啲報名！唔好猶豫！因為咁樣先可以報到野外定向訓練班！」呢個忠告似乎對今年ｏ既賽員無乜用。不過，下年有興趣玩OCｏ既朋友就要好好記住嘞！
訓練同簡介會當日，各位教練都教咗大家電子拍咭的正確方法。無出席ｏ既朋友可以睇番以下ｏ既圖解：
控制點。控制點掛有橙＋白色的控制點標記，電子打孔器則在控制點上方。
電子打孔器近鏡
拍咭正確方法──將電子控制咭（E-Card）放在電子打孔器上，若電子打孔器感應到E-Card，上方的小燈（箭咀示, 按圖放大）會亮起，表示拍咭成功。
E-Card的背面
有唔明白ｏ既地方，就記住留言嘞！
