文章分類: 教練教路 (無國界醫生野外定向 2009)

野外定向訓練之如何正確使用電子咭

msfoc — Wed, 07 Jan 2009 09:48:14 +0800

筆者”好多謝風中飛沙、DKMY同飛簷走壁o既賽員响上一篇文章o既熱烈回應，其實野外定向訓練當日唔止施sir一個盡心盡力教賽員玩OC，其他o既義工教練都教得好好o架!

當日模擬賽第一組返到終點o既係Space Girl組ｏ既四位賽員。佢哋玩完模擬賽就即刻衝去郊野公園小食亭買冰菠蘿食，直至到影相都唔係好肯放低！不過比賽當日我哋為大家準備咗香蕉同熱辣辣雞蛋，可以即刻補充體力！

左起：Space Girl 組ｏ既Shirley, Esther, Annie同阿茶。佢哋參加OCｏ既原因好簡單──上年有朋友玩過，覺得好好玩，响朋友推介下就組咗隊參加嘞！

(閱讀全文)

OC將於31/12截止!!

msfoc — Mon, 29 Dec 2008 14:10:44 +0800

享受完悠長聖誕假期，今日返工真係有啲魂魄唔齊！

不過，OC同事已經開行turbo，今日又會去大嶼山site visit嘞！遲啲就會有更加多有關比賽場地ｏ既消息upload上嚟呢個blog。記住繼續留意！

响呢度提提大家，OC將於後日(31/12)截止！未報名ｏ既就快啲嘞！

Boxing Day!

msfoc — Fri, 26 Dec 2008 16:06:23 +0800

今日係boxing day，無國界醫生仝人想响呢度同大家分享一份禮物。

話說我地多年前曾經邀請理工大學o既同學精心製作一段介紹無國界醫生野外定向ｏ既短片，但因為可以播放o既地點唔多（當年無YouTube、無戶外大電視、無巴士電視等播放渠道），所以呢段精彩ｏ既短片播過幾次之後就慘被埋藏响一個不見天日的角落。

(閱讀全文)

野外定向，無難度！

msfoc — Mon, 15 Dec 2008 18:57:16 +0800

Hello 大家好！自從OC廣告出左之後，立即有好多人問個報名爆左未？到今日為止，距離截止報名時間仲有幾日，名額仲有o既~大家要報名o既，記得快D手啦！以往最多人打嚟問關於親子組o既問題。好多人會問究竟OC會不會好難玩？比賽o既時候駛唔駛攀山涉水？既然係甘，不如我就趁呢個機會解開大家心中o既疑慮啦！

(閱讀全文)

地圖標示之謎！

msfoc — Mon, 08 Dec 2008 18:21:51 +0800

好多人都打電話嚟問，啲地圖係咪好難睇？啲地圖符號又代表乜？好明顯，响香港呢個四通八達的城市，睇地圖搵location成為咗大家o既一大挑戰！

各方好友，唔駛擔心，請用五分鐘睇吓以下內容，你就會發現OC地圖一啲都唔難睇！

(閱讀全文)

係咪真係咁難玩？

msfoc — Mon, 01 Dec 2008 00:09:51 +0800

有時同啲friends推介無國界醫生野外定向（簡稱OC），第一個反應總會係：「吓！要跑足兩個鐘！要睇地圖！好難好辛苦喎！…（下刪二百字）」其實玩野外定向係咪真係咁難呢？

我起初都有呢個疑惑，始終我只係做過攪手，但上年去過一次賽前training之後，有機會一嘗野外定向的快感，就即刻愛上！仲發現其實唔係咁難玩!

等我响呢度逐一擊破大家對野外定向o既誤解：

(閱讀全文)